HASTA QUANDO USTEDEZ DESPERTA? poema de: Abuosama Aliziad

HASTA QUANDO USTEDEZ DESPERTA?
poema de: Abuosama Aliziad

El creacion del hente maka estranya
Alto el estado contra na todo si kumpara
Tiene ele pensamiento para pensa
Ta pwede ele disidi si donde kamino travesa

Cosa ba el rason porque con aton yan ase?
Que ya tiene nation de Jinn hasta hente
El proposito ba de atun aqui vivi lang para durmi y kome
Hinde ba para resa lang na uno deberasan diyos solamente

Cosa lang man kita si sapa ya el de aton resuelyo
Muri y olestia como basura ta nada na rio
Si perde ya el alma, bukug ya lang y pelyeho
El hente ci nuay relegion mas baho pa na animal el lavida bien negro y oscuro

Pero manada hente pirmi ta ulvida
Takeda arogante y hambugero si tiene jutay sen na bolsa
Maskin pakilaya de manada de disposicion pa ele ta traga
Si resivi ele monte de oro, pekura pa ruba y pirmi ta reklama

El mga hente tan matahan porkawsa na poquito nuay nada
hasta man maridable y manpamilya ta kaba separta
mismo man amigo man pelyahan para man sawsaw na uno moher desperada
SubhaanaAllah el simple vida del hente bien kumplicaw ya yakeda

El media tambien puro pamparonadas ta ase
Lieno de corruption y deception ta pone na kokote de mga hente
Si abri tu el television puro borles el ta kaba sale
Pero el hente gane gayod durmido, ta accepta maskin cosa takre

El mundo di atun ahora ya ase kita bien dipisil ya para vivie
Mismo el gobyerno de aton mas ladron pa na pero largaw si ta morde
El mga maestra na eskuwela puro corrupcion el tainsinya y taescribi
Hasta padre y madre na iglesia ta molestia pati el mga bata inocente ta sigui supri

Si bira kita na historia del mga nation de antes ya pasa
Eguales con el mga pharoah y thamud pakilaya kunila ya bora
Contodo mga culpa sila ya ase hasta el existencia del Diyos ya nega
Donde ya man sila ara? todo kunila ya kaba destrosa

Ya keda ya kita ocupado na enganyo del mundo
nuway mas ya kita confiansa na palabra del diyos ariva cielo
para cosa pa ya imbya kunel mga propeta y mga libro?
Ya ulvida ya kita kay kaba el mortalidad ta existi el impyerno y paraiso

Pero cosa ba gayot el deberasan religion ta para
Kay dol todo religion ara ta kaba ya tumba
Bien depisil ba gayot eskuhi na sobra de manada
Si pone kita tiempo para buska siguraw puwede lang kita incontra

Si mira kita kunel relihiyon del hinduismo
Ta resa sila na milliones de diyos, santita y santito
Ta pidi gracia y ayuda na animal, planeta, biento y insecto
Na sobra demada kumplikaw ya sila devidi deila reso

El Buddhismo tambien si escutcha kita bunamente
Ta resa sila con el buddha uno normal hente
Tiene tata y nana, ta suda ta kansa y ta sinti ambre
Maskin ele mismo nuay ele abla resa kunele

Cosa tamen este religion de mga judio
Nusabe yo si politiko ba este de culto
Kada tiene manda mira el diyos kunila milagro
Egual ligada de mga propeta y mensahero,ta nega sila diretcho

Na tiempo de moses ya parti el rio para pwede sila escapa travesa
Quando ya liga sila na seko,ya ase sila baka de oro para resa
Quando ya liega si jesus ya nega sila y atrivi mata
Pati el nana de jesus ya ase pasipala y castiga

Ansiba ba el religion kere kita agara?
Pati diyos del kristiano sila daw el ya klaba na cruz despwez ya mata?
Maskin el Jerusalem ara ya kaba sila ruba
Hasta mga palestino bata y bieho takaba sila mata

Ara pekura kita sabe si cosa ba el cristianismo
Amo este el religion de mga tasigui con cristo
El problema bien manada ele secto aqui na mundo
Mismo kara de jesus manada klase tiene blanco y negro

Maskin el palabra de jesus ta kaba ustedez bora
Chene old testament y new testament kada generacion ta kambya
Ya pone na 10 comandments kay na mga Idolo noma resa
Maskin na bibliya el puerko prohibido kome, pero ustedez ya nega

Nesesita paba kita buska evidensiya?
maskin na bibliya si jesus nuay ele ya deklara
ni mensiona "iyo el diyos" maskin unaves nuay ele abla
nusabe iyo si porque ustedez kunule pursaw ta resa?

maskin ase ustedez baliskat-patuad el bibliya
nupuede ustedez incontra maskin uno lang palabra
nuay ya abla si virgen maria kay hasta kunele resa
maskin el santo ninyo tambien nuay ya manda

quanto ibedensiya paba ustedez nesesita?
Hasta quando ustedez desperta?
Pabor nomas ya ase tarda
Mentas vivo pa y mentas ta resulya

El deberasan Diyos uno lang hinde manada
Hinde dos o tres kabar pone na cruz para klaba
El diyos hinde ele nesesita di aton ayuda
Nuay ele egual y hinde kunele puede kumpara

El Deberasan Diyos, ele bien mapuwersa
Hinde ele plako para ase lang pasipala
hinde kami takre kay el mga hudyo kunele ya garucha
el deberasan diyos hinde ta muha el ohos, hinde tayura

El Diyos deberasan maskin quando nungka ta reklama
Tagrita “o dimiyo tata na ariva sielo porque bo kumigo ya deha?”
Kabar porque el mga descipulo disuyu kunele ya larga
Todo ya eskonde maskin ne uno nuay ya imbisti para protekta ?

Ansina ba el deberasan descipulo ta deha na Diyos y kore?
Mga medutin, tiene yan traidor y tiene ya eskonde..
Si deberasan sila takre kay si jesus diyos gyod verdaderamente
Porque sila nuay ya ensisti imbisti na todo vida taya todo de ila sangre

Pabor si kristiano ustedez noma rabya
Si kosa man iyo aqui ta kaba larga palabra
Todo iyo kosa ta abla estaba se na mismo di inyo biblya
Ta ase lang iyo sale klaro para ustedez desperta

El Islam amo el relihiyon deberasan
kay amo este el ya abla el Allah azzawajall na Quran
maskin pakilaya pa ustedez man purpyahan
bien klaro ya deklara "inna addeena indalahil islam"

El mga deberasan muslim otro gayod el vida
Si mira kita na mga tiempo de mga sahaba
Ase sila todo para na relehiyon para entra Jannah
El Jannah paraiso nuay corazon ya puede pensa y nuay ohos pa ya mira

El mga Sahaba na tiempo de Rasulullah (s.a.w.)
Ta resa dol monje si dinoche y luchador na dediya
Quando kun Haram bin Milhan r.a. na atras ya lancha
Na shahada mismo yan da’wa “fuztu wa rabbil ka’bah”

Poreso mga nuay pa ya abrasa islam pabor desperta
Na muslim si Jesus uno na di amon propeta
nuay ya klaba y muri ya liba kunele protegido vivo ariba el Allah
InshaAllah bira ele vivo kay kun dajjal ele mismo mata

Si jesus hente lang ta durmi y takansa
Ta kome ta toma pati ta yri y ta sinti dwelensya
Si jesus yan tuad ta resa y con kabesa abaho tiera
Ta pidi ayuda na ariva..tiene ba dyios klase ansina?

Si Jesus di amun se propeta
El di amun amor kunele nu pwede kompara
Todo muslim na mundo kunele ta respeta
Si vivo ele ara pone iyo dimiyo alma para kunele protekta

Si el mga hente abri el de ila mga ohos
pensa bunamente y noma man dosdos
Debe keda baliente abrasa y buska kunel arde del luz
si sincero ustedez quere resivi el ayuda del Dyos

Dimiyo poema kuninyo resivi como palabra de alarma
Si pwede lang iyo ase kakal di inyo kabesa para ustedez desperta
Adentro dimiyo corazon con todo amor ta lastima
Usa imbunamente conel corazon y intelegensia para salva

No pensa malo hinde iyo kun ustedez ta pursa
El para kumigo manda lang iyo con bosotros mira
El negro y blanco bien klaro nupwede mas nega
Nesesita ustedez eskuhi salvasion si donde kamino travesa

El hora ta kore poreso apura
Kada minuto y kada segundo ta pasa hinde mas bira
El vida di aton uno lang poreso kwida
mentas tiene pa alma el opurtunidad ay pensa

Ta invita iyo con ustedez na Islam para abrasa
Prinsipya keda Muslim para el todo mga antes culpa ay bora
Keda miembro del nation del mga propeta…
El relihiyon uno lang maskin quando hinde ta kambia…

Nomas ya espera…
Ara vivo pa tu, baka luego tumbaw ya
Pensa! Pensa!! Pensa!!!
Hasta quando ustedez desperta?

-End-